Yangiliklar

Toshkent Gumanitar Fanlar Universiteti rektori Sabirov Qaxramon Bektursunovichning Fatih Sultan Mehmet Vak?f �niversitesi tashrifi yuzasidan MUNOSABATI

 ✅"Turkiya Respublikasiga amalga oshirilgan rasmiy tashrifimiz doirasida mintaqaning eng ko‘hna va nufuzli ta’lim maskanlaridan biri Fatih Sultan Mehmet Vakif universiteti rahbariyati bilan o‘tkazilgan muloqotlar hamkorligimizda yangi davrni boshlab berdi.

✅Muzokaralar yakunida universitet rahbariyati jamoasi bizni oliygohning hayratlanarli darajadagi boy tarixi va zamonaviy salohiyati bilan yaqindan tanishtirdi. Ushbu tanishuv jarayonida guvohi bo‘lganlarim asosida shuni alohida ta’kidlamoqchiman:

✅Tarixiy vorisiylik va muhtashamlik: Pundevori 1471-yilda buyuk hukmdor Sulton Muhammad Fotih tomonidan qo‘yilgan, 555 yillik tarixga ega ushbu ziyo maskani bizda ulkan taassurot qoldirdi. Ayniqsa, talabalarning Üsküdar, Haliç va Topkapi kabi tarixiy kampuslar tizimida, Usmonli me’morchiligi durdonalari hisoblangan binolarda ta’lim olishi — bu tarix va zamonaviylikning eng yuksak uyg‘unligidir.

✅Strategik hamkorlik va akademik integratsiya: Universitet rahbariyati bilan imzolangan Anglashuv memorandumi shunchaki hujjat emas, balki talabalarimiz va professor-o‘qituvchilarimiz uchun jahon andozalari darajasidagi imkoniyatlar eshigidir. Endilikda bizning jamoamiz Ayasofya madrasasi kabi muqaddas va tarixiy maskanlarda malaka oshirish, Erasmus+ va boshqa xalqaro grantlar doirasida tajriba almashish imkoniga ega bo‘ladilar.

✅Ilmiy va innovatsion yondashuv: Universitetning tadqiqot laboratoriyalari va zamonaviy texnologiyalar bilan jihozlangan auditoriyalari bilan tanishish jarayonida biz qo‘shma innovatsion loyihalarni hayotga tatbiq etish va nufuzli xalqaro konferensiyalarni hamkorlikda tashkil etish bo‘yicha aniq to‘xtamlarga keldik.

✅Ishonchim komilki, Fatih Sultan Mehmet Vakif universiteti bilan yo‘lga qo‘yilgan ushbu strategik aloqalar Toshkent gumanitar fanlar universitetining xalqaro reytinglardagi o‘rnini mustahkamlashga va talabalarimizga eng yuqori sifatli ta’lim berishga xizmat qiladi.

✅Mezbon tomonning samimiy qabuli, yuqori darajadagi mehmondo‘stligi va bizni universitetning har bir qatlami bilan yaqindan tanishtirganlari uchun chuqur minnatdorchiligimni bildiraman. Bu hamkorlik nafaqat ikki universitet, balki ikki qardosh xalqning ilm-fan yo‘lidagi birdamligi timsolidir."

🔴Sabirov Qaxramon Bektursunovich Toshkent gumanitar fanlar universiteti rektori, pedagogika fanlari bo‘yicha falsafa doktori

📍Lokatsiya (https://maps.google.com/maps?q=41.227208,69.181085&ll=41.227208,69.181085&z=16)

📞Telefon: +99878-888-66-66